– Hobbyfiskaren frå Kinn
Trond Inge Løkkebø i Newton Kinn likar fiske, friluftsliv og har potetgulltips til helga! Og synest det beste med å vere Newton-lærar er å møte ungar som gleder seg til undervisning
Kven: Hobby
Kor: Newton Kinn, Vestland fylke
Bakgrunn: Ganske variert utdanning etter ni år som student i Sogndal. To år elektro/automasjon, bachelor Akvakultur, bachelor økonomi og IT, ppu og litt ekstra engelsk og matematikk.
På privaten: Tre eigne barn på 10-13-16 og tre vaksne bonusbarn, sambuar med Stine.
Alder: 71-modell
Newton-lærer sidan: Siden etableringa av Newton i Flora og vi var vel i gang hausten 2017.
Mitt Newton-rom: Litt eigenarta drift med eigne Newtonlærere frå kvar skule. Kjekt å vere mange saman om planlegging, sjølv om ein alltid er aleine som Newton-lærer i undervisinga.
– Kva for morgonrutinar har du?
– Seint opp og mykje kaffi!
– Kva er din guilty pleasure?
– Chips, og den nye favoritten er Coop Extra sin eigen chips. Den har store flak som ikkje setter seg i tenna.
– Kva synest du er best med å vere Newton-lærar?
– Ungar som gleder seg til undervising, og som får rom til å utforske.
– Kva er det kjekkaste å lære bort?
– Det er å få jobbe med levande yngel og programmering av robotar.
– Kva ynskjer du at elevar og lærarar skal sitte igjen med etter eit besøk i Newton-rommet?
– Dette er eit litt kjedelig svar, men kontakt mellom teori og praktiske problemløysing.
– Korleis kan vi motivera barn og unge til å velje realfag?
– Å vise nyttefunksjon og la dei bli trygge med god forståing av grunnleggande matte.
– Kva ville du jobba som dersom du ikkje var Newton-lærar?
– Det hadde truleg blitt noko med animering for oppfinnere, eller sjarkfiskar!
– Korleis ladar du batteriane på fritida?
– Da går turen til fritidsboligen i vakre Rognaldsvågen, øyidyllen ytterst i havgapet.
– Nemn tre ting som står på din bucket-list?
– Det er å fiske ein fisk på over 20 kg, kjøre vannscooter og å bli passelig gammal.
Oppdatert
